АСТАР
Қарақалпақша
ат. (араб тилинен — перде, жаўлық, парсы тилинен — ишинен тигилген гезлеме) 1. Кийим яки көрпе, көрпеше сыяқды нәрселердиң ишки қабаты, ишки тәрепине тигилген гезлеме (материал).
Еки қолы менен шапанының ишки астарынан услап, қаўсырынып алды (Ж.Аймурзаев).
2. аўыс. Сөздиң басқаша, екинши мәниси.
— Ақсақал да бәле екен заңғар! Гәпимниң астарына түсинип шақақ атып күлди де, табаққа қол ура берди... (Т.Қайыпбергенов).