ARA
Qaraqalpaqsha
at. 1. Orta, ashıkdıq, waqıt, aralıq.
Ashıńız endi aranı, Hayalǵa náubet qaradı (A.Dabılov).
Maqsım, Ámet qarmalawǵa tal tappay, Qashqın edi bir aqshamda aradan (I.YUsupov).
Aradan neshe kún ótedi, bay sol bayaǵısha túnde ketedi, azanda keledi (Q.Ayımbetov).
Enshi tiyip eki teńiz arası, Qolında qalqanı, qılısh, nayzası, Qara qalpaq kiyip, ata miyrası, Haq pátiya alǵan ana tilinde (J.Óteniyazov).
2. Adamlardıń óz ara qarım-qatnası.
Kewil jaqın, ara alıstay, Ántek boptı júrgen tanıspay (Aqsholpan Amaniyaz).
3. Ortasında, ishinde aralasıp júrgen.
Araǵa ot túsiw — renjisiw, arazlasıw.
Araǵa shaytan aralasıw — suwısıw, urısıw, óshigiw.
Aradan qıl ótpes — tatıw, sıylasıqlı.
Arası alıslaw — 1. uzaqdasıw; 2. Renjisiw, arazlaw, ókpelesiw.
Arası aspan menen jerdey — uqsamaytuǵın, parıq qılatuǵın, ózgeshe.
Araǵa túsiw — aralasıw, arashalaw, qorǵaw, biriktiriw.
Qas penen kózdiń arasında — demde, tez.
Ekew ara — ekew-ekewden.
Tez ara — tezlik penen.
Óz ara — ózli ózi.
Ara tura — arasında.
Kún ara — eki kúnnen bir kún, hár kúni emes.