ANÍQLAWÍSH
Qaraqalpaqsha
at. lingv.
Predmettiń belgisin bildiretuǵın ekinshi dárejeli aǵza.
Sonlıqtan predmet mánisin bildiretuǵın gáp aǵzalarınıń (baslawısh, tolıqlawısh, atawısh, bayanlawısh) hár qıylı belgilerin anıqlap keledi.
Mısalı: úlken oramal, jalǵız qız, biyik óksheli etik, t.b.
Anıqlawıshlar qaysı aǵzanı anıqlasa sol aǵza aldında turadı.
Onıń keyninde anıqlanatuǵın sóz bolıwı tiyis, eger olay bolmasa anıqlawısh bola almaydı.
Anıqlawıshlar anıqlaytuǵın sózi menen jupkerlesip (aqıllı adam qor bolmaydı) hám izafetlik (oqıwdıń paydası kóp) usıllarda baylanısadı.
Anıqlawıshtıń baǵınıńqılı qospa gáp — qospa gáptiń baǵınıńqılı gápi bas gáptegi atlıq yamasa qatnaslıq almasıǵınan bolǵan bas aǵzanıń mánisin túsindirip, anıqlap keledi.