ALTÍ
Qaraqalpaqsha
s. Sanaq san, sanı altaw, esabı altaw.
Altı qanat aq otawdın oń jaǵında xalıqtıń ǵarǵısı atıp jıqqan ayıwday tenkeyip SHıyıqnazar sulap jatır (N.Bórekeshov).
Altı ortaq — sheriklik, shıǵır, ógiz, jer t.
b.
menen altı adam birlesip paydalanıw.
Tili altı qarıs — urısqaq, sóz bermeytuǵın, biyhaya.
Altı qarıs — millet etiw, menmensiniw, taltańlaw.
Altı ay jaz, altı ay qıs eski.etn.
— Jıl sanawı boyınsha sáwir, jawza, saratan, háset, súmbile, miyzan sıyaqlı jıl ayları menen Pleyada (dáwirles)nın SHıǵıstan kórinip, Batısqa batqanǵa deyingi aqırap, qawıs, jeddi, dáliw, hút, hamal sıyaqlı suwıq ayları; jıl boyı.
Altı aylıq jol — alıs, uzak.
Altı awız ala bolıw — biriniń sózine biri kónbey, tıńdamaw, awızbirshilik bolmaw, kelispew, birikpew.
Altı arıs — altı atadan taraǵan urpaq.
Altı batpan — awır.
Altı qanat úy — altı bólek keregeden ibarat kiyiz úy.
Altı qulash — uzın.
Altı qırlı — túrli-túrli.
Altı múshe — eki kóz, eki ayaq, eki qol.