ALJASÍQ
Qaraqalpaqsha
at. Qátelik, kemshilik.
— Xosh, Aysánemdi ne qıldıq endi? — Ne qılatuǵın edi .. alamız, áy bul aljasıq sóz bolıw kerek (K.Sultanov).
Ómirimde usınday aljasıqlar boladı dep oylamaǵan edim («Ámiwdárya» j.).
f. Qátelesiw, kemshilik jiberiw, adasıw.
Iyt aljasıp kay tárepke júrerin bilmey turdı (Q.Aralbaev).
Bul dúnyalıq adamzattıń, Ada bolmas aljasıwı, Jırtılǵandı jamap-jasqar, Tek, ómirler jalǵasıwı.
(X.Dáuletnazarov).
Aljasqan adamnıń gúnayını kesh, Aljasıw, adasıw-qılmıs emes hesh, «Qılkópirden» qulap túser ǵıybatkesh, Qábirinen shıǵıp-górden ayrılsa.
(Á.Ájiniyazov).