AYÍRÍLÍW
Qaraqalpaqsha
f. 1. Ayra túsiw, ajırasıw, bólekleniw, namıssızlanıw, jekkeleniw, eki tárepke ketiw.
Apańnan ayırılıp ishim janadı (QQ.X.Q.).
Ayırıldı jarlılar suw menen jerden, Nan sorap tentirep jóneldi elden (Ád.
al.).
«Marks» japtıń kópirine jetpey-aq, arqa betke ayırılǵan arba jol menen tuwrı Andreev atındaǵı kolxozdıń 3-brigadasına qarap júrdi (A.Bekimbetov).
2. Joq bolıw, óliw, tamam bolıw.
Sum dushpanlar túsip meniń arama, Arıslanday jan aǵamnan ayırıldım («Qırq qız»).
Denemiz qaq-qaq jarıldı, Tabanımız ayırıldı (Ád.
hresg.).
3. Ayrıqsha quwanıw, kewilleniw.
...jańaǵı Serjan júregi tarsa ayırılıp, sonıń xabarın aytıwǵa kelgen ǵoy (T.Qayıpbergenov).
4. Es-túsi ketiw, esinen ayırılıw.
«Waq!» degen dawıs shıqqannan-aq Timur es-tústen ayırılıp qaldı (A.Bekimbetov).
... kól ishinde ayırıla kózge túsetuǵın appaq sán berip turdı (T.Qayıpbergenov).