AZAP
Qaraqalpaqsha
at. Aqıret, ıza, qorlıq, kemlik.
Azap kórdi hayalqızlar burında, Ezildiń gúń bolıp baydıń qolında (S.Nurımbetov).
0 Azap beriw — azaplaw, qıynaw, jónsiz sógiw, aqıretlew.
Men júrgende buwrıl edi saqalı, Azap berdi Izimbettiń Kamalı (Átesh hám Omar).
Azap shegiw — qayǵı-hásiretleniw, azaplanıw, janı qıynalıw, jábirleniw, qorlanıw, qorlıq kóriw.
Bul dúnya kereqdur ólgenshe bende, Azaplar shegemen zalımnan kúnde (Berdaq).
Jumagúl azap shekti, ol kóp waqtan berli tap bunınday bolıp jan azabın tartpaǵan edi (Ó.Ayjanov).
Azap kóriw — jábirleniw, qorlanıw, qıynalıw, qıyınshılıqqa ushıraw.
SHeshe, men ayaǵımnan azar shegip, azap kórip júrmen (Ó.Xojaniyazov).