ФАМИЛИЯ
Қарақалпақша
ат. Адам атларына қосылып келип, усы адамның ата-тегинен, туқымынан-тукымға, бабасынан яки анасынан көшип киятырған, оның нәсилин билдиретугын хәм атының жанында айтылатуғын ат, нәсил атамасы.
— Стулға отырың, атыңыз, фамилияңыз ким болады, — деди капитан (А.Бекимбетов).
Мәселен,... фамилиялардың жынысты андатыўшы -ов, -ова аффикслери қарақалпақ тили ушын жаңа хәм ең актив аффикслерден есапланады (Е.Бердимуратов).
Басқа бир фамилияны жазады, биз өзлеримиз түсинемиз (Ә.Пахратдинов).