ПЫТЫРАЎ
Қарақалпақша
ф. Хәр тәрепке тарқалыў, тараў, шашылыў, таралыў.
Моншаклары сөтилип жән-жаққа жумалап пытырап кетти (У.Пиржанов).
Көп суўға келгенде тум-тусқа тарап, маллары пытырап кетти яранлар (Бердақ)... соншелли нәзик, соншелли хийлели, соншелли сырлы бир уғымның мәнисине түсине алмай, пикирлери жән-жақка пытырап кетеди (У.Пиржанов).
Ел хансыз қалып, биротала пытырап кетпеўи ушын Шайық пенен Маман кеңесип, сол күни-ақ Хелўет тархан, Есим бий усаған кәткуда жас үлкенлерди жыйнап ел аралаўға кимлер көшкенин, ким қалғанын, кимниң өли-тирисин анықлаўға шықты (Т.Қайыпбергенов).