ЕШЕК
Қарақалпақша
ат. Ети, сүти, ишип-жеўге болмайтуғын, аттан бойы пәс, узын қулақлы ҳайўан, туяқлы, көлик мал.
Сыйлағанды сыйыр билмес, сыйпағанды ешек билмес (ққ.х.н.).
Ешектиң ети ҳарам, күши тазады («Мәспатша»).
Еле де мен ешегиңе берген жемниң пулын достым ушын кештим, — деди (Қ.Айымбетов).
0 ЕШЕК АРБА ешекке арналып иеленген арба.
Ол көбине ешек арбаны сазлаўды сүйеди (Қ.Айымбетов).
ЕШЕК ҚОС ешекке арналып иеленген курал-сайман.
Әўели кыйын болса да, Ешек қос пенен өгиз қос (Г.Есемуратов).
ЕШЕК ПИШИЎ, ЕШЕК СҮННЕТ ЕТИЎ жумырткасын алыў, сытыў.
Ешек пишпеге шеберсең, Ешек сүннет еткен хожам (Бердақ).
дуўтар саз әсбабының тийеги ешек ямаса шайтан ешек деп аталады.
Ешек саз әсбапларының бир бөлеги.