БЕРЕКЕТ
Қарақалпақша
ат. 1. Бахыт, молшылық, ығбал, баршылық.
... ел-журтқа берекет енди, ... (Ә.Шамуратов).
Жыйналған көптен ҳәрекет, Көбейди сондай берекет (А.Дабылов).
Бизде сөз бар: мийман ырыс-берекет.
Қонақ күтиў — зийнети ҳәр адамның (И.Юсупов).
2. Алғыс, тилек, қанаат.
Нур берекет жаўсын шеберге, Бәнт етти тек қе^лим ояў (Г.Есемуратов).
Молла Измурат солай болар, Сондайлардан берекет алар (Әтеш).
0 Берекет табыў — алғыс алыў, тилек етиў, қанаатланыў.
Берекет табың, бар жәрдемиңизди бизден аямаң, ағай (А.Бекимбетов).
— «Берекет тап» — деп куўанды Сәрсенбай, — ойымның үстинен түстиң, жан аға (Ө.Айжанов).
Айтатуғыны: «Илайым берекет тапсын» (Ө.Хожаниязов).
Берекети қашыў — кэўилдегидей жақсы болмаў.
— Қәҳәрли, қарыўлы қыстың берекети қашты (К.Султанов).
Берекет таппаў — иси келиспеў, пайдасыз.
Бул адам емес, бәле екен, буның менен урысып берекет таппасбыз, ... (ққ.х.е.).
Берекети болмаў — мәниси болмаў, әбигер болыў, Шынын айтқанда үйде отырып берекетим болмады (Ө.Хожаниязов).