ÓSIW
Qaraqalpaqsha
f. 1. Kógeriw, ónip shıǵıw, uzayıw, jetiliw.
Jıńǵıllar menen torańǵıllardıń kútá qalıń ósken jeri eken (T.Qayıpbergenov).
Tawlarda baǵ óser maqpalday dóner, Doslıq jigitleri bunda da óner (I.YUsupov).
Esiǵimizdiń aldında eki túp tut aǵashı ósip turadı (Ó.Ayjanov).
Ósse bir túbińnen mıń bolıp shaqań, SHúkirim kóp táǵdirime ırzaman (Á.Ájiniyazov).
Qumlaq jerlerde ósetuǵın seksewil burınları qoldan egilmes edi (Ó.Ógewliev).
2. Kámalsha keliw, erjetiw, boyjetiw.
Jas ediń sen óstiń kúshińe toldıń, Hadal miynetinen mındaǵan qoldıń (D.Qasımov).
Biraz azǵana sabır etseń, Boyıń kem-kem óser seniń (S.Májitov).
Ózim qatar ósken balalar bárimiz, Biler edi hár kim óziniń kóriń (Á.Ájiniyazov).
3. Rawajlanıw, háwijleniw, jetisiw, gúlleniw, kóbeyiw.
Dawısı jer gúńirentip ot qaraz turǵan texnikası ósip gúldengen qala (S.Nurımbetov).
Álpeshlediń bolıp anam, Qushaǵında ósti sanam (T.Seytjanov).
«Jańa turmıs óssin» dediń shógirme (I.YUsupov).
0 Kewli ósiw — shad bolıw, más bolıw, kewli kóteriliw.
Kún salqında azanda el kóshedi, Kóshken kúni adamnıń kewli ósedi (Ájiniyaz).
Kewili ósken jasawıllar, SHır-pır bolıp sawash qurdı (D.Qasımov).
Ósip-óniw, ósip-órbiw — rawajlanıw, háwijleniw, gúlleniw, jetisiw, kóbeyiw.
Olar Tundrada, Don shaxtasında házir ósip-ónip nıǵayıp barar (SH.Mámbetmuratov).
Máyek tuwadı, palapanlaydı, ósip órbiydi (J.Aymurzaev).
Sonda da ósip-órbiw boladı (T.Qayıpbergenov).