ÓLIMTIK I
Qaraqalpaqsha
at. 1. Ólik, jemtik, ólgen zat.
Bir ash bóri tamaq izlep júrip bir ólimtik taptı (S.Májitov).
Esabı joq shań basıp qalǵan ólimtiktiń súllerin kórdi («Máspatsha»).
Ólimtiktiń iyisi pútkil cherdaqtı alıp ketti (M.Nızanov).
2. Óleyin dep turǵan, iske aspaytın arıq, tırıs.
Ókeldi aldıma túye, Jaǵıldı betime kúye, Ólimtikke boldım iye, Bunı hesh bir umıtpaspan (Kúnxoja).