ÁTIRAP
Qaraqalpaqsha
at. Dógerek, tórt tárep, aylana, ján-jaq.
Eki muzdıń túyisken usı jerinen basqa átirapta ótkel joq edi (K.Sultanov).
Qızday sallanǵan aq terekli awı .dıń átirapı alpıs túrli baǵ (K.Sultanov).
Duman serpilip, túnniń bir qabat perdesi ashılǵanday átirap jaqtılandı (K.Sultanov).
Gúmpeyiniń jeńi menen jasın súrtip, átirapta bir qaradı da, taǵı túnerdi (K.Sultanov).
Átirapta samal menen tamırınan suwırılıp ketiwge sál qalıp turǵan qańbaqlar, uzaǵıraqta shala quwraǵan qamıs qopalar kórinedi (M.Nızanov).
Átirapta atqa azıq bolǵanday otın da joq (K.Karimov).
Ash-arıqtıń balların, Átirapına topladı («Qırq qız»).