ÁTIR
Qaraqalpaqsha
at. 1. Xosh iyisli suw, átir suw, duxi, odekolon.
Názerimde ol búgin hár qashanǵıdan da basqasha sıyaqlı, shashların ózgeshe pardozlaǵan, bedeninen ayrıqsha jaǵımlı átir iyisi ańqıp turar edi (M.Nızanov).
Mikrob-sikrob juǵıp júrer dep, Úsh mezgil átir suw búrkti betke de (I.YUsupov).
Túngi samal átir shashıp arqadan, Esti jelpip saz jańladı qaytadan (I.YUsupov).
2. Sán, shıray, forma.
Úy ishiniń barlıq jaǵınan átiri kelisip qalıptı... (B.Kerbabaev).
0 Átirine keltiriw — tártiplew, jıynaw, sánin keltiriw, hámme nárseni óz ornına qoyıw.
Paytondı ábden átirine keltirip saybaǵısladı (Aybek).