ÁSKER
Qaraqalpaqsha
at. 1. El qorǵawshı, nóker, láshker.
Xan áskerleri Írza menen Tóreniń jigitlerin «Tallıq» dáryasına qaray tıqsırdı (K.Sultanov).
Mına túrkmenlerdiń ústinen Angliya patshasınıń, qazaq dalasınıń ústinen orıs patshasınıń áskerleri kiyatır (K.Sultanov).
— Bizler jaqsı járdemdessek, áskerler de ayanbay urısadı (K.Sultanov).
Áskerler bekinip alıw ushın aldın ala qolaylap qoyǵan jerlerge sheginip, qonıwǵa tayarlıqqa kiristi (K.Karimov).
Ol qeshteńeden qorıqpay gileń ózindey balalardı shólkemlestirip, qızıllarǵa qarsı urısıp atırǵan áskerlerdiń keyninen oq-dári aparıp beredi eken (T.Qayıpbergenov).
Sahradaǵı esap-sansız áskerler asıqtı (SH.Aytmatov).
Ol áskerler Edil tárepke ózinshe júris penen keler edi (SH.Aytmatov).
2. Armiya.
— Bul áskerge barmaw, Uatandı qorǵawdan bas tartıw ushın qashtı (K.Sultanov).