ÁNJAM
Qaraqalpaqsha
r. Túwel, pútin, tayın, bası ayaǵı jám, tayarlıq; kerekli nárse, buyım.
Ele beli bekkemlenbegen el qıstıń ánjamına kirisiwi lazım (T.Qayıpbergenov).
Toy ánjamı kóriledi, úlken toy baslanadı! (T.Qayıpbergenov).
Túnligin birinshi ashqan sol aq shiyli úlken ılashıqta jıllı tóseginen naz benen suwırılǵan Baǵdagúl kerilip, esnep, shıqqan ornın qayta qımtastırıp, oshaqqa ot jaǵıwdıń ánjamına kiristi (T.Qayıpbergenov).
Bunıń ushın dáslep demalıs alıp, onnan soń Háseldiń ata-anasınan baslap, aǵayin-tuwǵanlarına sarpay ánjamdawımız kerek edi (SH.Aytmatov).
Sapar ánjamıńda sárwi rawanıń, Góruǵlıday gúrlep súrǵen dáwranщ (I.YUsupov).
Laqabıma ılayıqlı, Ánjamlap ber qarıw-jaraq («Qırq qız»).
Keshki awqattın ánjamın jedi (T.Qayıpbergenov).
Perixan qızın, nelikten de, basqa jaslar menen jataqxanada jatqarǵısı kelmey, institutqa jaqın kóshelerdiń birinen, azada ǵana bólek bólmesi bar bir kempirdi tawıp, soǵan ornalastırdı da, kewlin ánjamlap qayttı (T.Qayıpbergenov).
Kárwan ótken waqta meniń tushımnan, Kóńil múlkim jolǵa ánjam bolmadı (Ájiniyaz).
Sózdiń ánjamın aytqanda, Dártti jáne molaytqanda (Berdaq).
Qaraqalpaqtıń jańa Ulıǵbekleri, Juldız sáwbetine ánjam bolajaq (I.YUsupov).