ÁJAP
Qaraqalpaqsha
Im.s. Awa, boladı, meyli, makul, jaqsı.
Kewlinde «ol doktor, balalar doktorı, meniń kúyewim menen ulıwma isi joq» degen sezimler ótse ájap emes (M.Nızanov).
Ájap ata! — dep shákirti ustazına qullıq etip, alǵıs ayttı da kitaptı qorjınǵa saldı (K.Sultanov).
kel. Jaqsı, kórnekli.
Begler táriyip etsem kólpaq yurtını, Xup ájap tamasha elleri bardur (Ájiniyaz).
Ne ájap ishimlik bolsa jáhánda, Álle qanday kórip iship atırmız (I.YUsupov).
— Ájap elge qońsı bolǵanbız, keliń kewli ashıq azamatlar, — dep ózbek jigitleriniń hár qaysısın bir qushaqlap súydi (T.Qayıpbergenov).