HÁZ
Qaraqalpaqsha
at. 1. Ráxát, lázzet.
Bul aq qustıń ármanı kóp, Ház etpedi ań awlap jep, ... (Berdaq).
2. Kewli xosh bolıw, kewilli dem alıw.
Miynetten ház tawıp siz xár birińiz, Maxmud Eyvazovtın jasın kórińiz (I.YUsupov).
3. SHadlıq, tamasha, máslik.
Ház berer biydáwlet shaǵalalardıń, SHın kewilden kelip shaqaqlawları (I.YUsupov).
4. Tınıshlıq, xázlik.
Sizge ház joq házirgi gezde (I.YUsupov).