QUBA
Qaraqalpaqsha
kel. Aqshıl sarı, kuwqıl, boz, bozǵıltlaw, surlaw tús.
Márttiń mingen júyrigi, Quba úyrektey qalqadı («Máspatsha»).
Qayırǵa qonǵan quba ǵaz, Mádiyne qaytar gúz kúni (qq.x.n.).
Qızlar kiygen qamqa ton, Biyler kiygen quba ton, Baybishe kiygen parsha ton, Xanlar kiygen qamqa ton, SHúberek bolar tozǵan soń (Termeler).
Qumǵa pitken quba tal, Otqa salsań, janbaydı (Termeler).
quba jon at. Surǵılt tartqan ústirt, dóń.
Arkanıń quba jonında, Arıslan oynar sharq urıp (Termeler).