QONÍW
Qaraqalpaqsha
f. 1. Ushıp kiyatırǵan qustardıń bir jerge kelip qonaqlawı, otırıwı.
Úyrek ushıp, ǵazlar qonǵan kóllerim, Qatar qonǵan jaz jaylawda ellerim (Ótesh).
2. Kóshken eldiń ornalasıwı, qonıs basıwı.
Maldıń, jerdiń jaǵdayına qaray ár awıl dúrkin-dúrkin bolıp, sıbaylas qonıp edi (K.Sultanov).
3. Jatıw, túnew, qonıp shıǵıw.
0 Basına baxıt qusı qonıw — isi kelisiw, dáwletli bolıw.
Baxıt qusı qonıp endi basına, SHıǵıp qaldı jetpis altı jasına (T.Seytjanov).
Náshe qonıw — unaw, jaǵıw.... náshe qonǵan soń qazı gáp basladı (K.Sultanov).
Miyge qonıw — bir nárseniń yadta qalıwı.
Teńiz sırı menen ilim sırı miyge birdey qona ma? (Ó.Ayjanov).
El qonıw — mákanlanıw, ornalasıw.
SHólistanǵa el qondı.