QABAT I
Qaraqalpaqsha
at. Qabat-qabat bolǵan zattıń bir qatarı, qırtıs, qatlam, qat.
Jeti qabat qara tastı, SHarq úyirip ótedi, Segizinshi qabatı, Merwert tasqa jetedi («Er Ziywar»).
Úsh ayǵa deyin seńbir kórgen bedew erin alıp edi, arqasınıń bir qabat terisi qoparıla shıqtı («Alpamıs»).
Kúnge kúyip betiniń bir qabat terisi sıyırılıp túskendey edi (J.Aymurzaev).
0 Eki qabat — júkli, ayaǵı awır, boyında bar.
Bul qayal eki qabat kórinedi.