ǴAZ
Qaraqalpaqsha
at. Uzın moyınlı, pári baxalı, suwǵa beyimlesken, jabayı hám asırandı qus.
Almabas úyrekler, sonalı ǵazlar, Ushsa ǵańqıldatıp kóldi jańǵırtar (qq.x.q.).
0 Ǵaz-ǵaz basıw — ayaqdarın ásten bildirmey basıw, adımın ǵazǵa usatıp basıw.
Adamnan jańasha tártip talap etetuǵın, ayaǵıńdı ǵaz-ǵaz basıp, bir qásiyetli orınǵa kelgendey, dawısındı da páseytip, kúle shıray berip kirǵiń keletuǵınday (SH.Usnatdinov).
Ǵaz júris — qayal-qızlardıń naz benen adımın áste basıp júriwi.
Otırısı — tırna, yúrishi — ǵazdur (Ájiniyaz).
Xanzada ǵaz júris penen otawǵa kirip kele berdi (K.Sultanov).
Ǵaz dawıslı — ǵazǵa usap ǵańqıldap shıǵatuǵın dawıslı adam.
Radiodan hár kúni jırawday tamaǵın qırıp sóyleytuǵın, ǵaz dawıslı diktorımız usı... (SH.Usnatdinov).
Ǵaz qatar — ǵazday qatarlasıp turǵan, júrgen, qatar, dizbek.
Kósheń dárya, suw arnası, Ǵaz qatar úy aylanısı... (I.YUsupov).
Ǵaz-ǵaz turıw — jas balanıń ózin-ózi meńgerip kete almaytuǵın birinshi kádemleri.
Ǵaz-ǵaz turıp keń dúnyaǵa qarasam... (T.Jumamuratov).