ÍSHQÍ
Qaraqalpaqsha
at. Adamnıń bir nársege degen súyispenshilik sezimi, muhabbatı.
Palwan, qızdıń bir sózli ekenin, óziniń aytqan sózinen shıǵa alatuǵının kórip, oǵan ıshqı arttı (Ó.Ayjanov).
Íshqı awır dárt ekenin óz basım kórmesem de, basqadan kórgenim, esitkenim bar (K.Sultanov).
0 Íshqı zarın shegiw — muhabbattıń azabın, qıyınshılıǵın kóriw.
Ishinen qızdıń gápin tákirarladı, «Íshqı zarın shekpegen» (K.Sultanov).
Íshqı ketiw — kewili ketiw, jaqsı kóriw, súyip qalıw.
Nabada, bir shıraylı qızdıń saǵan ıshqı ketse... (M.Nızanov).
Íshqı ketip ıńırandı, Qardan appaq etine («Qırıq qız»).
Íshqı otı lawlaw — muhabbatı, súyiwshiligi artıw, kúsheyiw.
Esine alǵan sayın ıshqı otı lawlap, jigitti elitip biyhal etip baratır (K.Sultanov).
Íshqı sezim — súyispenshilik, muhabbat sezimi.
«Jamannıń tórinde bolǵansha, jaqsınıń górinde bol» degen ıshqı sezimi qız júreginde tuwlap, tolqıdı (K.Sultanov).