SHÍǴANAQ
Qaraqalpaqsha
at. 1. Qoldıń bilekten joqarı búgiletuǵın jeri.
Oraqbay sıbırlanıp, meni shıǵanaǵı menen túrtip qoydı (M.Nızanov).
2. Bir nárseniń búgilgen, qayırılǵan, aylanǵan, burılǵan jeri.
Basında temir dubılǵa, iyninde jeńi shıǵanaǵına jeter-jetpes kózgenek polat sawıt, belindegi qılıshı shaması qulashtan kem emes uzın, úzeńgine shirenip: — Kim bar? — dep gúrkiregende sawash maydanı lárzege kelip, bir silkingendey boldı (K.Sultanov).
Dawıl menen qasarısıp, eki-úsh shıǵanaq jol júrgennen keyin atlardın zorıqqanı ma, jawırınınan sıbaq ter shıqtı (K.Sultanov).