XANA I
Qaraqalpaqsha
at. 1. Pútin zattıń bir bóligi, danası.
2. Bólme, ózir, jay.
Ár xanada kúnnen túsken jarıqtıń, Súttey uyıǵanın, pákligin kórdim (I.YUsupov).
3. Asxana, dárixana, shayxana, ustaxana, qazınaxana t.b.
siyaqtı sózlerdi payda etetin kásipti, orındı bildirushi jurnaq (affiksoid).
4. awıs. Ózligi, ishki dúniesi.
Óz xanańa sıymaysań, Sól nársege isinip (I.YUsupov).
Xalıqtıń xalıqqa degen kóńil xanası, Dosdıq meymanına tolıptır bári (I.YUsupov).
5. awıs. Adamnıń ishki organizmi, júrek-bawırı, múshesi.
Buzıp taǵı da xanasın, Qurtıp onıń da sharasın, Qızdı tuǵan anasın, Darǵa asıp óltirgen eken (Berdaq).