TÚK
Qaraqalpaqsha
at. 1. Adamdardıń, janlı-janıwarlardıń denesinde bolatuǵın mayda jún.
Niyetbaydıń bet-awızın túk basıp ketipti (gazetadan).
At awnaǵan jerde túk qaladı (qq.x.n.).
2. awıs. Heshtene, heshnárse.
O Túk joq — dım joq.
Júreginiń túgi bar — heshnárseden qorıqpaytuǵın batır.
Túk taslaw — júni túsiw, túlew.
Túgi jıǵılıw — beti kaytıw.
Betiniń túgi shıǵıw — ashıwlanıw, tullanıw.