TIS
Qaraqalpaqsha
at. 1. Adamlardıń, janlı-janıwarlardın tamaqtı shaynawǵa yamasa bir nárseni tislep úzip alıwǵa beyimlengen awız quwıslıǵındaǵı súyekler dizbeǵi.
Ózinshe ókpeli ekenligin óspirimniń qas qabaǵınan, jalǵan sóylegegin qızarıp ketkenliginen andamaǵan Zulayxa tómen qarap, ernin tislegendegúrishtey appaq tisleri kórinip ketti (K.Kárimov).
Tula boyım túrshigip, tislerim solqıldap, Júregimde kek ǵazabı qaynadı (J.Aymurzaev).
Tisi shıqqan balaǵa, shaynap bergen as bolmaydı (qq.x.n.).
Qarsı aldınan qarasan, Tisleri mısal gúrektey («Máspatsha»).
2. awıs. Awıl xojalıǵına kerekli jerdi tırnaytuǵın, topıraqtı maydalaytuǵın tırma súretuǵın quraldıń ushı, júzi.
Tırmanıń tisi ketilip qalıptı.
0 Tis qaqqan — kópti kórgen, ısılǵan.
Tis jarıw — a) jas balanıń qızıl iyegine tisi shıǵıwı, kórine baslaw.
b) awıs. sóylew, pikir bildiriw.
Tústen keyin bári de ash bolǵanın sezdi, jeytuǵın hesh nárse bolmaǵanlıqtan bul tuwralı bir-birine tis jarıp hesh nárse aytpadı (M.Abdreyimov).
Tis qayraw — a) gijiniw.
b) óshegisiw, eregisiw.
Qayǵı menen qapadan, qayraldı meniń tislerim («Máspatsha»).