TERIS
Qaraqalpaqsha
kel. 1. Qate, nadurıs.
Ómirbekke máseleniń jayın teris túsindiripti (qq.x.n.).
2. Oń emes, shep.
Kál bala asıǵısta kóylegiń teris kiipti (qq.x.n.).
0 Teris pátia — din. s. ǵarǵıs, nálet aytıw, eski dini ádet boyınsha qoldı teris aylandırıp jayıw.
Teris butaq — a) Terektiń tarbayıp ósken ziyan butaǵı.
b) awıs. SHep minez, tik minez.
Teris butaq kórseń kóz benen, Dúzetpey onı tez benen (A.Dabılov).
Teris qaraw — jaratpaw, unatpaw.
Esbergen tońqıldap teris qaradı (K.Sultanov).
Teris aylanu — a) jaqsırmaw, unatpaw.
Sózim janına túrpidey tiyse kerek, pishini gúńgirt tartıp teris aylandı (K.Smaǵutov).
b) shebine, kerisine, artına, keyine aylanu.
Teris ayaq — teris minez, tik minez, teris jońqa.
Teris qaytqan — joldan shıqqan, buzaqı.
Tart qolıńdı teris qaytqan, Pirińmen dep ediń ozaldan («Máspatsha»).
Terisi qalıń — uyatsız, arsız.
Terisi juqa — ókpelegish.
Terisine saban tıǵıw - qattı jazalaw, azap beriw.
Terisine sıymaw — a) qattı ashulanıw, ızalanıw.
b) maqtanıw.
Teris minez — ójet, qaysar.
Teris áwen — sırtqı dáliz.