TARS
Qaraqalpaqsha
tars etiw f. Bir sestiń qattı shıǵıwı.
Esikti tars ettirip jawıp ketti (M.Abdreymov).
Qattı ashılǵan qapı tars etip qayta jabıldı (K.Smamutov).
Sonıń arasınsha shayı suwıńqıraǵan bolsa kerek, bir tınbastan simirip iship, kesanı tars ettirip stolǵa qoydı (M.Nızanov).
Eń aqırında qazan da, awqat pisirip atırǵan kelinshek te dáskelerin kóterip ishke ketkennen keyin bul da mashinasınıń kabinasın tars ettirip jawıp aydap ketken eken (M.Nızanov).