SÁRRIYIW
Qaraqalpaqsha
f. 1. Bir orında qáreketsiz, qozǵalmastan turıw, deneniń qozǵalmay qatıp alıwı, sileyiwi, tik turıp kalıw, qatıp turıw.
Al oń qolı bolsa sárriyip, kurı salbırap turıptı (G.Esemuratov).
Jazǵı baǵdaǵı mármár tas qayallarǵa megzep, báhárdin aqsha qarınday kóylegi astınan kókirekleri tırsıyǵan hayalǵa tańdanıp, ornında aǵashtay sárriydi (T.Qayıpbergenov).
Bir shoq seksáwildiń arjaǵında ayaǵı sárriyip ólip atırǵan esh ekti kózim shalıp qaldı (M.Nızanov).
2. awıs. Qatıw, tonıw.
Jılın kútemen dep qıstıń bir ayazında dúzde sárriyip ólip qalıwım kerek pe? (M.Nızanov).