SÁLLE
Qaraqalpaqsha
at. (a.
— sebet, torqalta, túyinshik).
Uzınlıǵı 1,5 metrden 7 metrge shekem bolatuǵın, taqıya, telpek ústinen oralatuǵın tegis material, siyle, musılman erkekleriniń bas kiyimi.
Ústinde ala shapanı, basında sálle, ayaǵında etik (A.Bekimbetov).
— Qosıbay, mına balań naǵız naysap bolar! — dep, Esbergen ashıwǵa buwlıǵıp, awız-jaǵının qat-qat ájimli, aqquwaqlanǵan arıq etleri jıbırlasıp, «úh!» dep basındaǵı aq sállesin tósektiń ústine shalqasına qoyıp, ishindegi ter menen qarayǵan taqıyasın alıp basına kiydi (K.Sultanov).
Bul náletiy jógilikten zerikti janım, Ókel saqıy sharabıńdı, sharap — iymanım, Sálle menen jaynamazdı satayın saǵan, Men olardıń dushpanıman, sharap ber maǵan! (I.YUsupov).
— Dálilińdi ayt, - dedi basına aq sálle orap, qolına táspi uslaǵan sháhár qazısı (K.Kárimov).