SÚT
Qaraqalpaqsha
at. 1. Adam (hayal) hám sút emiziwshi urǵashı xaywanlardıń laktatsiya dáwirinde sút bezlerinde islep shıǵarılatuǵın, jańa tuwılǵan násildi azıqlandıratuǵın quramalı ximiyalıq birikpeli aq rendegi suyıkdıq.
Men bir perzent, sen bir ana, Emdim sútiń qana-qana, Sen kólimseń, men bir sona, Kúnim, aqlı danamsań sen (I.YUsupov).
Mınaw ákelgen qızı bir óli xayaldıń emshegin sorıp sút taba almay shırqırap atır eken (T.Qayıpbergenov).
2. SHarwa mallarınan alıngan azıq-awqat ónimi.
Belin buwǵan qızıl iyek kempirler sút pisirip, shay qaynatıp otır (A.Bekimbetov).
Gúljámiyla jeńgey kuwanıp, Bir kastryul sút alıp keldi, «Wsta qáynim, ákeldim sagan sút, Má, iship al mawqındı basıp» (I.YUsupov).
Tap usı demde qazanda pisip atırǵan sút birden tasıp, qaqpaqtı kóterdi de, oshaqqa tógildi (T.Qayıpbergenov).
— Túyeniń súti, kózdiń jasınday kuysań qara shayıń qop-qoyıw boladı (M.Nızanov).
3. Ayırım ósimliklerdiń paqalı yamasa dánindegi aq suyıqlıq.
Jatsaq-tursaq «quda» deymiz, Bıyıl tolar gúllán kemis, Sútten qamır bolńı tegis, Kópsinbegey «alla» bizge (Berdaq).
Ha sútilmek, sútilmek, Sútke tolǵan sútilmek! Áste ǵana julayın, Jartılamay pútinlep (I.YUsupov).