SÍYPALAW
Qaraqalpaqsha
f. Alaqan menen bayqap uslap kóriw.
Ele jassań ǵoy, soń túsineseń, — dedi de qabarǵan qolı menen basımnan sıypaladı (Q.Ayımbetov).
«Qanjar» deydi oń qaptalın sıypalap, Álle kimdi óltirmek pe kıyqalap? «Toqta» deydi ózin zorǵa jubatıp, Art betine kóz astınan bir qarap... (I.YUsupov).
Taqır jerdi sıypalap qaldıq... (K.Sultanov).
Xan eki eziwindegi qara shoqalaq murtların almaǵezek sıypalap, bir larqıldap kúldi xám gáp basladı (T.Qayıpbergenov).
Pirimbet dep atalǵan diyqan kisi jabaday qollarınan jazdırılǵan qolın sıypalap turǵan sharwaǵa qarap (K.Kárimov).
Oksana náresteniń kóylegin kóterip, jaǵımtallı etip qarnın sıypaladı (M.Nızanov).
0 Ornın sıypalap qalıw — ayrılıp qalıw, joytıp alıw.
— Sonda kempirdiń de, sıyırdıń da ornın sıypalap qalǵanımız ba! — Ótemurat manlayın uslap, tómen qaradı (K.Sultanov).
Jer sıypalaw — ayrılıw, joytıw.
Onıń ústine, kátkudaman dep men orsam, qazıman dep Esen orsa, bayman dep Xalmurat orsa, Xiywalıman dep jasawıl orsa, tórt jaqtan oraq, tússe, besinshi oraqta, jer sıypalap qalıp júrme (K.Sultanov).