SULTAN
Qaraqalpaqsha
at. 1. Musılman mámleketlerinde ámir, patsha, xanlar ataǵı.
Kisi elinde sultan bolǵansha, óz elinde ultan bol (QQ.X.N.).
Bir gezde altın saray jarqırap turǵan jayda, Sultanlar dáwran súrip, sán-saltanat kurǵan jayda, — Qumırı qus otır búgin jartı paqsaǵa qonıp, Hám jılar muńlı ses penen: «Qayda ol, qayda, qayda?» (I.YUsupov).
2. Adamgershilikli, márt, er, batır.
Alpamıs jigittiń sultanı boldı (Átesh).
Bar edi awıllas meniń shıqqanım, Dese bolar sulıwlardın sultanı (B.Ismaylov).
3. awıs. Zatlardıń eń jaqsısı, hasılı.
Paxta — eginlerdiń shaxı-sultanı, Paxta — abadanlıq turmıs kárwanı, Xalqımnıń paxtadan súrgen dáwranı, Jámshid súre almaǵan dáwranǵa megzer (I.YUsupov).
4. Er adamnıń atı.