SOZÍW
Qaraqalpaqsha
f. 1. Deneni yamasa bir zattı uzaytıw, tartıw, keriw.
Awqatqa pátiya etilip, dasturxan jıynalǵannan keyin biyler qaytadan ayaq sozıp jambasladı (T.Qayıpbergenov).
Tanıs emes adam qızǵa sozıp qol, «Júriń berman» dedi ol, — Gúljan qızǵa mıyıq tartıp bir kúlip (I.YUsupov).
Ol ayaǵın sozıp, arqayınlastı (M.Nızanov).
2. Dawıstıń, sestiń tınbay shıǵıwı.
Qosıqshılar da dawısınıń barǵanınsha sozıp, qıyǵırıp tur (T.Qayıpbergenov).
— Dúnyaǵa shıqqan kúniń qutlı bolsın, shaxım-m! — dedi bir waqqa dawısın sozıp (M.Nızanov).
0 Iyek sozıw — dáme etiw, dámeleniw, qaraw.
Topandı qambadaǵı ılayǵa aralastırıp ta dárwaza tárepke iyek sozıw menen boldım (M.SHımbergenov).
Moyın sozıw — dáme etiw, dámeleniw, úmitleniw.
Hár jaqtan tumsıǵı uwılǵan, saqtı sına baslaǵan xan áwelgi qol bergen dosqa qayta oralıwǵa — ullı Rossiya tárepke qaytadan moyın sozıwǵa májbúr boldı (T.Qayıpbergenov).
Kegirdek sozıw — aytısıw, urısıw, jánjellesiw.
— Boldıńız ba? — dedi Máńlimurat aǵa biraz kegirdek sozıspaǵan soń (T.Qayıpbergenov).