SIPSE
Qaraqalpaqsha
at. 1. Sıpırıw, tazalaw ushın arnalǵan qural, zat.
Usı asılıp turǵan qurımlardı sipse menen qaǵıp dalaǵa shıqtı (A.Bekimbetov).
Tirimen degen eki eli qaǵazıń kelgende Jámiylanıń súyegi sipse bolǵansha jolında eki kózi sarǵaymas pa edi... (K.Sultanov).
Perixan kelinsheq bolıwdıń mánisi bunday boladı, dep kóz aldına keltirmeytuǵın edi, tap házir aqılına engendey azmaz tańdanıp turdı da, kiyip júrgen kóyleginiń ústinen kempir bergen aydındı kóylekti kiyip, esik bette jatırǵan sipseni dárriw qolına ala-sala, tóseklerdiń ústin bir qatara sıpırıp shıqtı (T.Qayıpbergenov).
Qar jańa ǵana artılǵan bolsa kerek, gúrekten keyin quwıs-qoltıqlardı sıpırıp shıǵatuǵın ushları jelinip qalǵan shontıq sipse kirer awızda jatır eken (M.Nızanov).
2. Júwerige usaǵan dánli mádeniy hám jabayı ósimlik.