SIMIRIW
Qaraqalpaqsha
f. Ishiw, zańq qoyıw, úzliksiz tınbay ishiw.
Qaptalına qoyılǵan qumandı kóterip muzday suw simirdi (T.Qayıpbergenov).
Qatıqtı jolawshı simirip iship, jańa jazılısqan waqıtta ǵarrı túr-túsine qarap otırdı (K.Sultanov).
Birewlerdiń kumı menen shólleri, Dáryanı simirer kóp waqtan beri, Suwsızlık azabın shekken kim deseń, Qaraqalpaq xám Xorezm elleri (I.YUsupov).
Aradan qansha ótkeni belgisiz, mágar qolǵa uslaǵan kese tolı qımızdı simirdi (K.Kárimov).
Sonıń arasınsha shayı suwıqqıraǵan bolsa kerek, bir tınbastan simirip iship, kesanı tars ettirip stolǵa qoydı (M.Nızanov).