SEYIL
Qaraqalpaqsha
at. Qıdırıspa, serwen, kewil kóterispe.
Kórgen biyxuwısh bolur anı shul zaman, Seyil etip bexishten shıqqan yańlıdı (Ájiniyaz).
— Meniń bostanıma kelgen, Mensiz seyil etip júrgen, Qay patshanıń qızı eken? — Dep quwanıp turǵan eken (Berdaq).
Baǵlarda seyil etip dárdi dawasın, Tapsam dep ıklasım ketip turıptı (A.Dabılov).
Hámmesi birge baǵqa seyil etiwge shıqqan eken (T.Qayıpbergenov).
Kel, súyiklim, baǵ seyline barayıq, Baxıttıń baǵında ánar gúlledi, Baska jemislerdiń miywası bayıp, Gúl tókken waǵında ánar gúlledi (I.YUsupov).