SART
Qaraqalpaqsha
at. (p.
— kárwan bası, sawdager).
1. áyyemgi Orta Aziyada qala hám awıllarda jasap, diyqanshılıq, sawda hám ónermentshilik penen shuǵıllanıp kelgen túrkiy xalıqlar (sonıń ishinde ózbekler).
Abdulla xan, Kutlumurad xan, Keldi dáwran mágár yalǵan, Sartnıń túbi boldı uáyran, ichti ájálniń shárbáti (Berdaq).
2. patsha Rossiyası húkimdarlıǵı dáwirinde házirgi Ózbekstan aymaǵındaǵı jergilikli xalıqqa evropalılar tárepinen berilgen atama.
Hár kim yaman bolsa ózi, Ruwsiyadur anıń yúzi, Patshalardıń tuttı tuzı, Qalmadı sartnıń zúryadı (Berdaq).