SAN II
Qaraqalpaqsha
at. 1. Bir nárseniń esabı, mólsheri, muǵdarı, shaması, matematikalıq túsinik.
Jumıstıń túri kóp bolǵan menen isleytuǵın adamlardıń sanı azayıp baratır (T.Qayıpbergenov).
Tarınıń sanı belgili, sol tarını kesh bolǵannan azanǵa deyin terip bereseń (Q.Ayımbetov).
2. Gazetanıń jańa nomeri.
Doslar menen azanǵı shay ishildi qosta, Jılqımanlar kúndegishe eglenip tısta, «Gazetanıń» jańa kelgen sanların qarar... (I.YUsupov).
0 San tiyiw — qatarǵa qosılıw.
Áne, sóytip, tosattan bult astında qalǵan haqıyqıy bir juldız jarq etti, burın san tiymey júrgen Ómirbay jurtqa qádirli boldı (T.Qayıpbergenov).
San mıń — sanı belgisiz, kóp, mol.
Lekin, júregińde tolqıǵan san mıń, Oylar jatar edi Kavkaz tawınday, Teńsiz awır ómiri ana Uatannıń, Jaslıq jigerińdi lawlattı sonday (I.YUsupov).
San ret — talay, neshe márte, kóp.
Gúller mısal kese tutqanday maǵan, Balawızın toltırıp pal sharapqa, Sonda shayır júregińde muxabbat, Kenarınan tolıp tastı san ret (I.YUsupov).