SABALAW
Qaraqalpaqsha
f. 1. Qamshı, tayaq, mush, temir sıyaqdı nárseler menen ústi-ústine, tez-tez, qayta-qayta urıw.
Jaman adam qońsısın tabalaydı, qonaǵın jaqtırmaǵan balasın sabalaydı (J.Aymurzaev).
Atlı birew aldındaǵı eki piyadanıń ókshelerin bastırıp, uzın sırıq penen sabalap, awılǵa kirip kiyatır (T.Qayıpbergenov).
2. awıs. Siltew, qaǵıw, talpınıw.
Qabırǵası mayırılǵan qustay aldına mantıǵıp, qırǵa talpınıp, qanatın sabalaydı (K.Sultanov).
Usı demde jawın burınǵıdan da pátlenip, kiyiz úzikti sabalap atırǵanday bolıwına qaramastan, mańdayı jıyırılǵan adam bolmadı (T.Qayıpbergenov).