PÁS
Qaraqalpaqsha
kel. 1. Tómen, tómenshik.
Názerimdi lástutpayın (K.Sultanov).
Aqıl ózin pás tutadı, Aqmaq ózin más tutadı (qq.x.n.).
Usı ret burınǵısınday názerin páske qaratıp, barmaqları menen láblerin jasırdı (M.Nızanov).
Taǵı birewleri bálentten páske sırǵanap baratır (T.Qayıpbergenov).
2. Kem, jaman.
Berdaq Ernazar Kenegestiń ózi oylaǵanınan da pás nusqa ekenligin bilip, ábden túńilip ornınan turdı (A.Sadıqov).
Xan: «Bul bir hesh nárseniń mánisin bilmeytuǵın pás, kókiregi óli xalıq eken, házirshe toyına bersin, basıp alıw qıyın emes», — depti (T.Qayıpbergenov).
3. Kishi, kelte, qısqa, áste.
— Dáuletyar aǵa, — dep pás dawıs penen shaqırdı (K.Karimov).