PÚTIN
Qaraqalpaqsha
kel. 1. Tolıq, barlıq.
Pútin bir awıl suwǵa jarımay otırǵanda ákesi ekewi qol serippe menen baylardıń talay-talay atızın suwǵarǵan edi (Ó.Ayjanov).
Baylardıń úyin tintip, pútin ǵaznaların aqlarıp altın bar ma, gúmis bar ma alıp arbalap qaladan shıǵara basladı (Q.Ermanov).
Sonıń ushın olar eki tárepi de pútin atası da, anası da adamlardı jek kóredi (M.Nızanov).
Eger bul boyan Amerikada óser me edi, pútin bir institut shuǵıllanar edi (M.Nızanov).
Olay bolsa dawası bizden, qayǵı sizden, eki jartı bir pútin bolayıq dep kúldi (M.Dáribaev).
2. Saw, dúziw.
Qulaq murnı pútin kelse gálleniń, ıklas penen duwa oqısın qara (K.Sultanov).
Etiniń pútin jeri joq, qırshılıp qan shıǵıp tur (A.Bekimbetov).
Hámmege de ózine jarasa, aldanısh tawıp beresen: ómirden atlanıp baratırǵanlar — qástelik qalın, qásteler — deniniń saw waǵın, sawlar — ústiniń pútin, tamaǵınıń toq waǵın árman etedi (A.Sadıqov).
Esi-aqılı pútin kim bolsa da, márt bolıwdı arlı-namıslı bolıwdı, batır bolıwdı, óle-ólgenshe xalıq ushın, el ushın xızmet etiwdi maqset etedi (Á.SHamuratov).