PÍRÍLDAW
Qaraqalpaqsha
f. 1. Ses shıǵarıp dem alıw, qurıldaw, pısıldaw.
Pırıldap uyqılap qalıppan (J.Aymurzaev).
Birewleri pısıldap, birew-birewleri pırıldaydı (Aybek).
2. Qanat qaǵıp ushıw, dúrildew.
Hár jerde uyalarınan pırıldap ushqan shımshıqlardan basqa janlı makduq selt etpeydi (T.Qayıpbergenov).
Mashinanıń aldında bir topar qara torǵaylar pırıldaydı (Ó.Ayjanov).
Qara taldıń usha basında shımshıqlar pırıldadı (T.Qayıpbergenov).