PITKERIW
Qaraqalpaqsha
f. 1. Tamamlaw, ayaqlaw.
Ol áskeriy wazıypasın pitkerip awılǵa kelgennen keyin, biziń úydiń qasında otırdı (A.Bekimbetov).
Segizinshi klasstı pitkergennen soń ketemen deseń detdom ruqsat etedi (T.Qayıpbergenov).
Nurjan usı bıyıl besinshi klasstı pitkerip edi (S.Xojaniyazov).
— Awa, ol meniń balam, — dedi ózinen-ózi.
— Balam! Ernazarım!... Oqıwdı pitkerip kelgen eken-dá! (A.Ábdiev).
2. Atqarıw, orınlaw.
Bárekella, bárekella, til alǵısh, is pitkergish jaqsı bala ekenseń (A.Bekimbetov).
Ha qız, ha Ayshagúl, sen ne pitkerdiń buzawdı ayırıp baylamay (T.Qayıpbergenov).
3. awıs. Tawısıw, túwesiw, joq etiw.
Atamurat qısqa sózin pitkerdi de, hesh kimniń pikirine qarap turmay qol kóteriwdi usındı (T.Qayıpbergenov).