PESHANA
Qaraqalpaqsha
at. 1. Qas penen shash aralıǵı, mańlay.
Peshanası jazıq bolsa sımbatlı, Isten qaytpaytuǵın bolsa ǵayratlı (A.Dabılov).
Alla taala bendesiniń peshanasına tuwılǵan paytında bolajaq táǵdirin dáweti-qálem menen jazıp qoyar eken (M.Nızanov).
Ol qızdıń keń peshanası qám tınıq kózine móldirep qarap turǵanda Baban kele sala julqıladı (Á.Atajanov).
2. awıs. Táǵdir, keleshek, talay, ıǵbal, jazmısh.
Házir táǵdir, peshana, jazmısh qaqqında básekilesip otıratuǵın waqıt emes edi (U.Pirjanov).