PANA
Qaraqalpaqsha
at. 1. Tasa, ıq, ıqtırma.
Jel jaǵınıń panası, Ústine kelgen dushpannan (Berdaq).
Kempir ekewi keyin sheǵinip, esiktiń aldındaǵı shertekti panaladı (M.Nızanov).
2. Qorǵan, bekinis.
Ǵárezi joq er eken, Jaw jaǵınıń panası (Berdaq).
Tar keshiwde qarsı alıp talay jawdı, Xalıq tawdan, taw xalıqtan pana tawdı (I.YUsupov).
Jırtıq úzik qara úyiń, Jelsiz kúni panań edi (I.YUsupov).
3. awıs. Tirek, súyenish, ǵamxor, miyirman, qáwenler, qayırqom.
Jalǵız tuwǵan erlerdiń, Alla bolǵay panası, Qıdırbayday ǵarrınıń, Tilep alǵan balası («Qoblan»).
Haqıyqattan basqa meniń panam joq, Bay jılatsa jubatqanday adam joq (Q.Ermanov).
SHerim-ay, sherim-ay, bizdi óz panańda saqlaysań, — dese janınan ótip kete beredi (T.Qayıpbergenov).