PAYDALANÍW
Qaraqalpaqsha
f. 1. Paydaǵa asırıw, keregine jaratıw, iske asırıw, jumsaw.
Kisi jumsap paydalanıp shalqıǵan, mayday jaǵıp, súyekleri balqıǵan (Omar).
Kúshi bar baylar suwdın barlıǵın áspek qılıp paydalanǵan (Q.Ayımbetov).
2. Payda kóriw, tabıs túsiriw, mápleniw.
Jiǵirma bes jasar xan Abulǵazı Muxammedtiń túyedey boylı bolıp, túymedey oylanǵanınan hámme paydalandı (T.Qayıpbergenov).
Usı waqıttan paydalandı da, Bayram sheshinip atırǵan birinshi nókerdiń arqasınan pıshaq urdı (T.Qayıpbergenov).