ORÍNBASAR
Qaraqalpaqsha
at. 1. Qanday da bir insannıń isin dawam ettiretuǵın, keleshekte ornın iyeleytuǵın adam, shákirt.
Bular meniń orınbasarlarım.
2. Mákeme baslıǵınıń wazıypasın orınlaw huqıqına iye bolǵan rásmiy járdemshi, kómekshi.
Ol kim deseń orınbasar, juwapkersiz hádden asar (S.Nurımbetov).
Men Moskvada ministrdiń orınbasarında boldım (A.Bekimbetov).
Ayırım rayonlarda qákimniń orınbasarları ushın kotej jayları salınǵan dep esittim (M.Nızanov).
— Maǵan «Metallostroy» tresti basqarıwshısınıń orınbasarı lawazımı berildi, — deydi ol (A.Sultanov).